لاہور(سپورٹس ڈیسک )سابق کرکٹر باسط علی نے کہا کہ جنوبی افریقہ کیخلاف پہلے ٹی ٹوئنٹی میں شکست کے بعد موجودہ پاکستانی ٹیم میں بائیں ہاتھ کے اوپنر فخر زمان جیسے گیم چینجر کی کمی ہے۔
گرین شرٹس کو سیریز کے افتتاحی میچ میں جنوبی افریقہ کے ہاتھوں شکست پر ردعمل ظاہر کرتے ہوئے باسط علی نے بائیں ہاتھ کے بلے باز کی تیز رفتاری سے سکور کرنے کی صلاحیت کو اجاگر کرتے ہوئے فخر کو ٹیم میں رکھنے کی ضرورت پر زور دیا۔
باسط علی نے کہا کہ “فخر زمان کو یاد کیا جائے گا چاہے وہ ان کے بارے میں کچھ بھی کہیں، ‘انہیں گلے میں کچھ مسئلہ ہے اور وہ ان فٹ ہیں’۔
عاقب جاوید نے اسے یاد کیا ہوگا کیونکہ وہ گیم چینجر ہے، آپ کے پاس کوئی گیم چینجر نہیں ہے جو ایک اوور میں تین چھکے لگا سکے۔صائم نے کتنے چھکے لگائے؟ اس نے اچھا کھیلا لیکن اس نے کتنے چھکے لگائے؟ ہمیں ایسے کھلاڑیوں کی ضرورت ہے جو چھکے لگا سکیں۔
