کراچی (سپورٹس ڈیسک)سابق قومی کرکٹر باسط علی کا کہنا ہے کہ روہت شرما نے ٹیم کا اعتماد توڑ دیا ہے اب وقت اّگیا ہے کہ وہ کپتانی چھوڑ دیں۔بھارت کو روہت شرما کی قیادت میں نیوزی لینڈ کے خلاف ہوم سیریز میں 3ـ0 سے وائٹ واش ہوا، اّسٹریلیا کے خلاف بارڈر گواسکر ٹرافی میں ان کی قیادت میں بھارت کو دو ٹیسٹ میچز سے شکست ہوئی۔
روہت شرما بیٹنگ میں بھی ناکام ثابت ہوئے، انہوں نے اّخری 11 اننگز میں صرف 122 رنز بنائے ہیں۔سابق پاکستانی کرکٹر باسط علی نے کہا کہ جسپریت بمراہ نے قیادت میں بھارت نے اّسٹریلیا کے خلاف پہلا ٹیسٹ جیتا اور روہت شرما نے شکست کے بعد ٹیم کا اعتماد توڑا ہے۔
روہت کی غیر موجودگی میں اوپننگ جوڑی یشسوی جیسوال اور کے ایل راہول نے پرتھ میں 201 رنز کی میچ وننگ پارٹںر شپ قائم کی، دوسرے ٹیسٹ میں روہت کی واپسی کے بعد اس نے کامیاب اوپننگ جوڑی توڑی اور خود بھی ناکام ثابت ہوئے۔
شبھمن گل کو بھی پلیئنگ الیون سے باہر کیا گیا کیونکہ دو اسپنرز کے ساتھ کھیلنے کا فیصلہ کیا گیا۔باسط علی کا کہنا ہے کہ روہت کا اوپننگ کرنے کا اقدام اور اوپننگ جوڑی میں خلل ڈالنا بھارت کی شکست کی بنیادی وجہ تھی۔انہوں نے کہا کہ روہت فارم میں نہیں اور کے ایل راہول جو رنز کررہے تھے ان پر بھی دباؤ بڑھا، اّپ کی ٹیم کا اعتماد بالکل ڈاؤن کردیا، اب وقت اّگیا ہے کہ روہت کپتانی سے دستبردار ہوجائیں اور بمراہ کو قیادت سنبھالنے دیں۔
