لاہور (سپورٹس ڈیسک) پاکستان کے سابق لیگ سپنر مشتاق احمد نے آسٹریلیا کے خلاف جاری سیریز کے دوران اپنی حالیہ جدوجہد کی روشنی میں سابق کپتان بابر اعظم کو بریک لینے پر غور کرنے کا مشورہ دیا ہے۔
یہ تجویز ایسے وقت میں سامنے آئی ہے جسے مشتاق احمد بابر اعظم کی کارکردگی میں ایک ’رف پیچ‘ کے طور پر کہتے ہیں۔ ایک مقامی اسپورٹس شو میں گفتگو کے دوران مشتاق احمد نے بابر اعظم کو مشورہ دیا کہ وہ آسٹریلیا کے خلاف جاری سیریز میں ایک مشکل مرحلے کے درمیان وقفہ لینے پر غور کریں۔
سابق پاکستانی لیگ سپنر نے بابر کی حالیہ فارم کے بارے میں بھی تشویش کا اظہار کیا، خاص طور پر ٹیسٹ میچوں میں، جہاں انہیں سال بھر میں نصف سنچری بنانے میں مشکل پیش آتی ہے۔واضح رہے کہ بابر اعظم رواں سال ٹیسٹ کرکٹ میں اپنی بیٹنگ کے حوالے سے مشکلات کا شکار ہیں اور وہ اب تک کسی بھی ٹیسٹ میچ میں ففٹی نہیں بناسکے۔
دوسرے فارمیٹس میں ان کی فارم اچھی نہیں رہی اور ساتھ ہی انہوں نے سال کے بہتر حصے میں اپنی معمول کی کارکردگی کو پیش کرنے کے لیے جدوجہد کی۔ پاکستان کے جاری دورہ آسٹریلیا کے دوران بھی ان کی مشکلات کا سلسلہ جاری رہا۔ پہلے ٹیسٹ میں وہ صرف 21 اور 14 رنز ہی بنا سکے۔ دوسرے ٹیسٹ کی پہلی اننگز میں بھی وہ پیٹ کمنز کی ایک شاندار گیند پر صرف 1 رن پر آوٹ ہو گئے۔
